Дзень ведаў
1 верасня, у святочны сонечны дзень, для 8 вучняў 1 класа прагучаў першы школьны званок, які запрасіў не толькі іх, але і ўсіх вучняў установы ў Краіну Ведаў. Дзень ведаў — у першую чаргу свята першакласнікаў, якія з хваляваннем і надзеяй упершыню пераступаюць парог школы, адкрываюць для сябе новае, вучацца даражыць сяброўствам, старанна працаваць, любіць свой край і Радзіму.
Добрая традыцыя ўрачыста адзначаць першы дзень новага навучальнага года аб’ядноўвае розныя пакаленні. Бацькам гэта свята нагадвае пра шчаслівую пару дзяцінства і юнацтва, школьных таварышаў, а для дзяцей і моладзі азначае чарговы крок да вяршынь ведаў, сустрэчу з сябрамі і любімымі настаўнікамі.
Жадаем школьнікам поспехаў у вучобе, а іх педагогам — плённай стваральнай працы.
Пасля заканчэння лінейкі вучні адправіліся на першы ўрок “Нам мир завещано беречь!”.