Навіны

29 красавіка вучаніца 10 класа, Караваева Дар’я і яе кіраўнік Санько Н.К.,прынялі ўдзел у рабоце 6-ай Міжнароднай навукова – практычнай канферэнцыі “Калі гаворыць гісторыя: рэаліі мінулага і сучаснага” пад эгідай ГА “Беларускі саюз жанчын”у рамках праекта “Сувязь пакаленняў- сувязь гісторый”пры падтрымцы МГА “Узаемапаразуменне” і фонда “Памяць, адказнасць і будучыня”

Каманда ўстановы адукацыі прыняла ўдзел у раённым конкурсе ЮІД

Гродзенскае абласное спажывецкае таварыства Навагрудскі філіял аб'яўляе раённы конкурс на лепшую арганізацыю збору і пастаўкі макулатуры сярод навучальных устаноў, арганізацый і прадпрыемстваў г. Навагрудка і Навагрудчыны ў перыяд з 01.05.2017года па 01.06.2017года.
Запрашаем вучняў і іх бацькоў прыняць удзел у зборы макулатуры.

21 красавіка вучні і работнікі ўстановы адукацыі прынялі ўдзел у рэспубліканскім суботніку.Пад час суботніка былі выкананы работы па добраўпарадкаванню тэрыторыі ўстановы: пабелены дрэвы, абкапаны дрэвы яблыняў у садзе, перакапаны клумбы, пафарбавалі плот,навялі парадак у парку - дэндрарыю, добраўпарадкавалі тэрыторыю вакол помнікаў.

Падведзены вынікі заключнага этапу конкурсу даследчых работ вучняў 1 ступені агульнай сярэдняй адукацыі “Я - даследчык”. Уладальнікам дыплома 2 ступені стаў вучань 4 класа нашай установы АДАШКЕВІЧ ЗАХАР. Віншуем з заслужанай перамогай Адашкевіча З. і яго кіраўніка,настаўніцу пачатковых класаў, Рачко І.М.

20 красавіка 2017 года адбыўся раённы этап конкурсу "Шматдзетная сям'я - 2017". Віншуем сям'ю настаўніцы беларускай мовы і літаратуры Скрундзь Н.У. - уладальніка Дыплома ІІІ ступені!

15 красавіка у рамках месячніка па добраўпарадкаванню тэрыторыі членамі валанцёрскага атраду “Данка” добраўпарадкаваны магіла сям’і Габрусік, растралянай фашыстамі, ветэранаў педагагічнай працы на вясковых могілках у Валеўцы.

Паважаная бацькі! 19 красавіка 2017 года з 09.00 да 10.00.будзе праводзіцца “прамая лінія” начальнікам аддзела адукацыі, спорту і турызму Навагрудскага раённага выканаўчага камітэту АНІКЕВІЧАМ Алегам Аркадзевічам з насельніцтвам горада і раёна па тэлефону 21458.

Адкрыты конкурс на стварэнне піянерскай песні "Піянерская дваццатка" быў абвешчаны ў верасні 2016 года ў гонар 95-годдзя піянерскага руху. Заяўку на ўдзел мог падаць любы жадаючы. На адрас арганізатараў паступіла 83 кампазіцыі з Беларусі, Расіі, Казахстана. З заяўленых на конкурс кампазіцый члены журы адабралі 30 песень.Фінальнае галасаванне пройдзе з 14 па 23 красавіка. Песня, якая набрала найбольшую колькасць балаў на думку прафесійнага журы і гледачоў, стане піянерскім хітом. Інтрыга конкурсу вырашыцца на юбілейнай піянерпрэміі "95 зорак", якая адбудзецца ў час Міжнароднага злёту піянераў "Заўсёды гатовы!" 19-20 мая.Онлайн-галасаванне за дваццатку лепшых піянерскіх песень стартавала 4 красавіка на сайце БРПА http://brpo/song-vote.Запрашаем усіх прыняць удзел у галасаванні.

У адпаведнасці з планам работы Маладзёжнага парламенту пры Гродзенскім абласным Савеце дэпутатаў, Маладзёжнага парламенту пры Навагрудскім раённым Савеце дэпутатаў у перыяд з 17 па 22 красавіка 2017 года ў раёне праводзіцца Тыдзень інклюзіі “Планета сяброў”. Запрашаем бацькоў і вучняў прыняць ўдзел у праводзімых ва ўстанове адукацыі мерапрыемствах у рамках Тыдня.

6 красавіка ў рамках работы тэатральнай гасцёўні вучні 1 ступені агульнай сярэдняй адукацыі мелі магчымасць паглядзець і прыняць удзел у тэатральна- гульнявым прадстаўленні “Талісман Дракошы” тэатра –студыі “Алімп”. Разам з вясёлым Суслікам дзеці адправіліся ў казачнае падарожжа за чароўным талісманам Дракошы.

Віншуем каманду нашай установы: Карнілаву Маргарыту,Берзуха Арцёма, Новік Надзею, Бялевіча Яўгена,Мурашка Анастасію,Машчонскага Юрыя, якая занялапершае месца ў раённым этапе рэспубліканскага лёгкаатлетычнага спартыўна – масавага мерапрыемства
“300 талентаў для Каралевы” .Так трымаць!!!

Паважаныя выпускнікі і іх бацькі
Згодна з п. 9 Правілаў прыёму асоб для атрымання вышэйшай адукацыі 1 ступені, зацверджаных Указам Прэзідэнта Рэспублікі Беларусь ад 07.02.2006 № 80 (у рэдакцыі Указа Прэзідэнта Рэспублікі Беларусь ад 2014/03/20 № 130) "адбор абітурыентаў для атрымання вышэйшай адукацыі на ўмовах мэтавай падрыхтоўкі спецыялістаў ажыццяўляецца заказчыкам з ліку пражываючых у Рэспубліцы Беларусь выпускнікоў устаноў агульнай сярэдняй, сярэдняй спецыяльнай і прафесійна-тэхнічнай адукацыі ". Такім чынам, мэтавыя дагаворы могуць заключацца з выпускнікамі, якія пражываюць у сельскай і гарадской мясцовасці. Жадаючыя паступаць па мэтавай дамове павінны мець у атэстаце адзнакі не ніжэй за "6".

З красавіка па 28 красавіка стартавала сумесная рэспубліканская пажарна – прафілактычная акцыя “За бяспеку разам!” па папярэджанню пажараў і гібелі людзей ад іх жыллёвым фондзе.

З 1 па 8 красавіка па ініцыятыве Міністэрства лясной гаспадаркі ў рэспубліцы праходзіць традыцыйная добраахвотная акцыя "Тыдзень лесу". У гэты раз «Тыдзень лесу» прысвечана аднаўленню лясоў, пашкоджаных стыхійнымі бедствамі, якія прайшлі па тэрыторыі Беларусі.Мы запрашаем вучняў і іх бацькоў прыняць удзел у добраахвотнай акцыі «Тыдзень лесу” 8 красавіка. Збор удзельнікаў акцыі ў 10 гадзін ва ўстанове адукацыі.

Учора,30 сакавіка, члены воланцёрскага атраду "Данко", навялі парадак каля помніка загінуўшым аднавяскоўцам у в.Кудавічы.

Вучні 5-8 класаў пабывалі на прафарыентацыйнай экскурсіі на адным са старэйшых заводаў па вытворчасці шкла”Неман”, пад час якой пазнаёміліся з гісторыяй прадпрыемства, яго прадукцыяй.Наведалі музей прадпрыемства.

ДОМ-МУЗЕЙ АДАМА МІЦКЕВІЧА запрашае на ВЫСТАЎКУ з фондаў Гродзенскага дзяржаўнага гісторыка-археалагічнага музея“БЫВАЙ, МІЛЬЯНЕР!” ГРАШОВАЕ АБАРАЧЭННЕ НА ГРОДЗЕНШЧЫНЕ З КАНЦА 18 СТ. ДА НАШАГА ЧАСУ.
Якія былі грошы ў канцы 19 - пач.21 стст. (расійскія, польскія, нямецкія акупацыйныя, савецкія, беларускія - паказаны арыгіналы банкнот); якія былі заработныя платы; што можна было купіць на адзін мільён і за меншую суму ў гэтыя перыяды нашай гісторыі? Усё гэта зможаце ўбачыць на выстаўцы.
Кошт білета з экскурсіяй – 70 капеек з чалавека.спраўкі па тэл.: 2-43-40.

Паважаныя бацькі ! З 31 сакавіка па 3 красавіка 2017 года запрашаем Вас прыняць удзел у абласным інтэрнэт –форуме “Роля сям’і ў выхаванні маральных якасцяў дзяцей”.
Інфармацыя для абмеркавання будзе размешчана на сайце дзяржаўнай установы адукацыі “Гродзенскі абласны інстытут развіцця адукацыі” groiro.by

27 сакавіка вучні 1-4 класаў пабывалі на экскурсіі ў суседнім,Карэліцкім раёне. Там яны наведалі былую сядзібу Раецкіх, якая сёння належыць народнаму майстру Салдатавай В.Я.,работы якой экспануюцца на выставах рознага ўзроўню.Гападыня пазнаёміла вучняў з традыцыйнымі народнымі промысламі(саломапляценне, вышыўка).Экскурсанты наведалі музейны пакой установы адукацыі ў в.Райца.